“აწარმოეთ მოლაპარაკებები ღიად, თუ ფარულად, ყველგან და ყოველთვის, მიუხედავად იმისა, რომ შედეგი შეიძლება ჯერაც არ იყოს ხილული” – კარდინალი დე რიშელიე

რატომ უნდა ისწავლოთ მოლაპარაკებები?

• მსოფლიო ეკონომიკური ფორუმის მიხედვით მოლაპარაკებები შედის 10 უმნიშვნელოვანეს უნარში, რომელიც აუცილებელი იქნება მომავალ სამუშაო გარემოში მენეჯერებისათვის. ერთ-ერთი კვლევა აჩვენებს, რომ ლიდერები თავის დროის 15%-დან 26%-მდე მოლაპარაკებებს უთმობენ. თუმცა, შესაბამისი უნარების არ ქონის გამო მათი მოლაპარაკებები ყოველთვის კარგი შედეგებით არ სრულდება. ასევე გამოკითხულ ბიზნეს ლიდერეთა 96% თვლის, რომ ჯეროვნად მომზადებულ მომლაპარაკებლებსა და მომლაპარაკებლებთა გუნდს შეუძლია კომპანიის დანახარჯების დაზოგვა და მეტი სარგებლის მოტანა.
• შესაბამისად, მოლაპარაკებები მენეჯერებისთვის და გადაწყვეტილების მიმღები პირებისთვის წარმოადგენს მნიშნვნელოვან სტრატეგიულ უნარს.
• მოლაპარაკებებს იყენებენ მენეჯმენტის ვერტიკალსა და ჰორიზონტალში გადაწყვეტილებების მიღების დროს, ისევე როგორც კომპანიასა და მის კლიენტებსა და პარტნიორებთან ურთიერთობებში.
• მოლაპარაკებების მართვა დამოკიდებულია არა მხოლოდ ინდივიდუალურ უნარებზე (რომელთა დახვეწა შესაძლებელია), არამედ მეთოდებზე (მომზადება, სტრატეგიები, ტაქტიკები), რომლებიც ისწავლება.

ტრენინგის მიზნები:

• ტრენინგის მონაწილეებმა მიიღონ პრაქტიკაზე ორიენტირებული ცოდნა მოლაპარაკებებში
• გაიღრმავონ კომპეტენციები, რომელთა გამოყენება შესაძლებელი იქნება ყოველდღიურ პროფესიულ საქმიანობაში
• განივითარონ უნარები, რომლებიც დაეხმარებათ უკეთესად მართონ მოლაპარაკებების პროცესი

ტრენინგის შედეგად მონაწილეები შეძლებენ:

• მოლაპარაკებებისთვის ჯეროვნად მომზადებას
• სტრატეგიების სწორად შერჩევასა და გამოყენებას
• აქტიური კომუნიკაციის პრინციპებს
• მოლაპარაკებების პროცესის მართვას

ტრენინგის თემატიკა:

• მომლაპარაკებლის დილემა და ფსიქოლოგიური მახეები
• მომზადება
• მოლაპარაკებების სტრატეგიები
  • დისტრიბუციული სტრატეგია
  • თანამშრომლობის სტრატეგია და კომპრომისი
• კომუნიკაციის როლი
• კომპლექსური მოლაპარაკებები

ტრენინგის მეთოდები:

• ე.წ. „იმერსიული“ სწავლების, ჩართულობისა და ინტერაქტივის პრინციპებს

როლური თამაშები, შემთხვევის ანალიზი, სავარჯიშოები და აუდიოვიზუალური მასალის გამოყენება უზრუნველყოფს მონაწილეთა აქტიურ ჩართულობას

• განხილვებსა და დისკუსიებს

როლური თამაშებისა და სხვა სავარჯიშოების შესრულების შემდეგ, მოხდება მათი განხილვა და გამოცდილების გაზიარება. აღნიშნულ ეტაპზე ასევე მნიშვნელოვანია, რომ მონაწილეებმა გაგვიზიარონ მათი რეალური ისტორიები და გამოცდილება.

• თეორიულ ცოდნასა და პრაქტიკული უნარ-ჩვევების განვითარებას

ტრენინგი ასევე ითვალისიწინებს პრაქტიკაზე ორიენტირებული თეორიული კომპონენტების განხილვას. თითოეული ეს კომპონენტი იქნება გამოყენებელი მსმენელთა არსებული პრაქტიკული უნარ-ჩვევების გასამყარებლად და ახალი ჩვევების გამოსამუშავებლად.

ტრენინგზე ანგარიშსწორებისათვის შეგიძლიათ ისარგებლოთ საქართველოს ბანკის განვადებით.

საქართველოს ბანკის “სოლო” მომხმარებლები ისარგებლებენ 20%-იანი ფასდაკლებით.

გთხოვთ, დარეგისტრირებამდე გაეცნოთ ტრენინგზე მონაწილეობის წესებს და პირობებს.