ქცევითი ინტელექტი

მიმოხილვა
სასწავლო გეგმა
ტრენერები

კურსის შესახებ

რატომ გესმის ზოგიერთი ადამიანის მარტივად, სხვებთან კი საერთო ენის გამონახვა გიჭირს? როგორ ამოიცნო ადამიანის რეალური მოტივები, გაიგო მისი ქცევის მიზეზები და შეარჩიო კომუნიკაციის ეფექტური სტრატეგია?ქცევითი ინტელექტი (Behavioral Intelligence) არის საკუთარი და სხვების ქცევის დაკვირვების, ანალიზის, შესაძლო რეაქციების შეფასებისა და მიღებული ცოდნის კომუნიკაციასა და ურთიერთობების მართვაში გამოყენების უნარი.ემოციური ინტელექტისგან (EQ) განსხვავებით, რომელიც ძირითადად ემოციების ამოცნობასა და რეგულაციას უკავშირდება, ჩვენი პროგრამა უფრო ფართო პრაქტიკულ ამოცანაზეა ორიენტირებული: არა მხოლოდ იმის გაგებაზე, რას გრძნობს ადამიანი, არამედ რატომ იქცევა ასე და როგორ უნდა წარვმართოთ მასთან კომუნიკაცია.

პროგრამა აერთიანებს ქცევით პროფაილინგს, პიროვნების ფსიქოლოგიას, სხეულის ენის ანალიზს, საგამოძიებო ინტერვიუს, რაპორტის შექმნასა და გავლენის ტექნიკებს.რა პრობლემების გადაჭრაში დაგეხმარება კურსი?

ადამიანების არასწორი შეფასება – ისწავლი ქცევითი პატერნების შემჩნევასა და ფაქტების ინტერპრეტაციებისგან გამიჯვნას.
კომუნიკაციის ბარიერები – გაიგებ, როგორ მოარგო შენი საკომუნიკაციო სტილი სხვადასხვა ადამიანს.
ურთიერთგაგებისა და ნდობის ნაკლებობა – დაეუფლები რაპორტის შექმნისა და ეფექტური მოსმენის ტექნიკებს.
რთული ურთიერთობები და კონფლიქტები – ისწავლი წინააღმდეგობის, დაძაბულობისა და რთული დიალოგების მართვას.
დარწმუნებისა და გავლენის სირთულე – გაიგებ, როგორ გამოიყენო ადამიანის მოტივები, ინტერესები და გადაწყვეტილების მიღების თავისებურებები ეფექტური არგუმენტაციისთვის.
საკუთარი ავტომატური რეაქციები – ისწავლი ქცევითი ავტოპილოტის ამოცნობასა და საკუთარი რეაქციების მართვას.

რით არის პროგრამა გამორჩეული?

პროგრამის 70% ეთმობა პრაქტიკულ აქტივობებს.სწავლება მიმდინარეობს ქცევითი ექსპერიმენტების, ფსიქოლოგიური სიმულაციების, ვიდეოანალიზის, პროფაილინგის გამოწვევებისა და რეალური საკომუნიკაციო სიტუაციების მოდელირების გზით.

მონაწილეები რეალისტურ სიმულაციაში ქმნიან ადამიანის ქცევით პროფილს, ადგენენ სავარაუდო მოტივებს, ამყარებენ რაპორტს და იყენებენ შესაბამის საკომუნიკაციო სტრატეგიას შეთანხმების მისაღწევად.პროგრამა აერთიანებს თანამედროვე ქცევით მეცნიერებას, FBI-ის საგამოძიებო ინტერვიუს კვლევებზე დაფუძნებულ მიდგომებსა და Chase Hughes-ის NCI და Six-Minute X-Ray სისტემების შერჩეულ კონცეფციებს. ავტორისეული პროფაილინგის მოდელები განხილული იქნება მათი სამეცნიერო შეზღუდვების გათვალისწინებით.მონაწილეები არა მხოლოდ შეისწავლიან ტექნიკებს, არამედ გამოცდიან მათ ეფექტს საკუთარ თავზე, გააანალიზებენ სხვების ქცევას და მიიღებენ ინდივიდუალურ უკუკავშირს.

რას მიიღებ კურსის დასრულების შემდეგ?

პროგრამის დასრულებისას შეძლებ ადამიანის ქცევაზე უფრო დაკვირვებულ და გააზრებულ მსჯელობას, შესაძლო მოტივების შეფასებას, კომუნიკაციის ადაპტირებას, ნდობის დამყარებასა და რთული ურთიერთობების ეფექტურად წარმართვას.გარდა პრაქტიკული გამოცდილებისა, მიიღებ Behavioral Intelligence Toolkit-ს – ქცევითი ანალიზის, პროფაილინგის, მოტივაციის შეფასებისა და კომუნიკაციის დაგეგმვის სამუშაო ინსტრუმენტებს.

ვისთვის არის კურსი?

ფსიქოლოგებისთვის, მენეჯერებისთვის, HR სპეციალისტებისთვის, მეწარმეებისთვის, გაყიდვებისა და მომსახურების სფეროს წარმომადგენლებისთვის, იურისტებისთვის, ტრენერებისთვის და ყველასთვის, ვისაც ადამიანების უკეთ გაგება და ურთიერთობების ეფექტურად მართვა სურს.

ტრენინგზე ანგარიშსწორებისათვის შეგიძლიათ ისარგებლოთ საქართველოს ბანკის განვადებით.

საქართველოს ბანკის “სოლო” მომხმარებლები ისარგებლებენ 20%-იანი ფასდაკლებით.

გთხოვთ, დარეგისტრირებამდე გაეცნოთ ტრენინგზე მონაწილეობის წესებს და პირობებს.

მოდული 1. ქცევითი ავტოპილოტი - 4 საათი
რატომ ვიქცევით ისე, როგორც ვიქცევით? ტექნიკები: ABC Behavioral Analysis, Trigger Mapping, Cognitive Reframing. პრაქტიკა: ავტომატური რეაქციების თამაში, უხილავი ინსტრუქციების ექსპერიმენტი.
- ავტომატური ქცევა და ქცევითი პატერნები;
- კოგნიტური მიკერძოებები და აღქმის შეცდომები;
- პირველი შთაბეჭდილების ფსიქოლოგია;
- სტრესის გავლენა ქცევასა და გადაწყვეტილებებზე;
- საკუთარი ქცევითი ტრიგერების ამოცნობა და მართვა.
მოდული 2. ქცევითი პროფაილინგი - 4 საათი
როგორ შევქმნათ ადამიანის ქცევითი პორტრეტი? ტექნიკები: Behavioral Baseline Mapping, OCEAN Mapping, Behavioral Pattern Analysis. პრაქტიკა: 60-წამიანი პროფაილინგი, ქცევითი ფაზლი, პროგნოზების ლაბორატორია.
- ქცევითი დაკვირვებისა და პროფაილინგის პრინციპები;
- Behavioral Baseline – ინდივიდუალური ქცევითი ნორმა;
- Behavioral Clusters – ქცევითი ნიშნების ერთობლიობა;
- Big Five/OCEAN და DISC მოდელები;
- პიროვნული მახასიათებლები და სიტუაციური ქცევა;
- ქცევითი პატერნების ანალიზი და შესაძლო რეაქციების პროგნოზირება.
მოდული 3. სხეულის ენა და არავერბალური კომუნიკაცია - 4 საათი
რას ამჩნევ სიტყვების მიღმა? ტექნიკები: Facial Action Observation, Vocal Cue Analysis, Behavioral Calibration. პრაქტიკა: ჩუმი დიალოგი, ემოციის დეტექტივი, „სიმართლე თუ ტყუილი?“ - დაკვირვებისა და ვარაუდების შემოწმების ექსპერიმენტი.
- სხეულის ენა და არავერბალური სიგნალები;
- სახის მიკრო და მაკროგამომეტყველებები;
- ემოციების ანალიზი და FACS-ის საფუძვლები;
- თვალის კონტაქტი, ჟესტები და სხეულის პოზა;
- ხმის ტონი, საუბრის ტემპი და პაუზები;
- ქცევითი ცვლილებებისა და ვერბალური შეუსაბამობების ანალიზი;
- სიცრუის ამოცნობის გავრცელებული მითები.
მოდული 4. საგამოძიებო ინტერვიუ და რაპორტი - 4 საათი
როგორ მივიღოთ მეტი ინფორმაცია და დავამყაროთ ნდობა? ტექნიკები: Cognitive Interview, PEACE, Funnel Questioning, OARS, Strategic Silence. პრაქტიკა: FBI-ის ტიპის ინტერვიუს სიმულაცია, კითხვების ხაფანგი, რაპორტის ექსპერიმენტი.
- რაპორტის შექმნა და ნდობის ფსიქოლოგია;
- აქტიური და რეფლექსიური მოსმენა;
- კითხვების დასმის სტრატეგიები;
- Cognitive Interview – ინფორმაციის მიღების ტექნიკები;
- FBI-ის კვლევებზე დაფუძნებული ინტერვიუს მიდგომები;
- PEACE – სტრუქტურირებული საგამოძიებო ინტერვიუ;
- საუბარში წინააღმდეგობის ამოცნობა და ინფორმაციის გადამოწმება.
მოდული 5. ფსიქოლოგიური მოტივები და გავლენა - 4 საათი
რა ამოძრავებს ადამიანებს და როგორ მივაღწიოთ შეთანხმებას? ტექნიკები: Motivation Mapping, Framing & Reframing, Interest-Based Persuasion, Resistance Mapping. პრაქტიკა: დაფარული მოთხოვნილების აღმოჩენა, გავლენის ლაბორატორია, აღქმის შეცვლის ექსპერიმენტი.
- ადამიანის ფსიქოლოგიური მოთხოვნილებები და მოტივაცია;
- უსაფრთხოება, სტატუსი, აღიარება, ავტონომია და მიკუთვნებულობა;
- Human Needs Map — მოტივების ანალიზი;
- გადაწყვეტილების მიღებისა და დარწმუნების ფსიქოლოგია;
- სოციალური გავლენის პრინციპები;
- წინააღმდეგობის მიზეზები და მათი მართვა;
- მოტივებზე მორგებული არგუმენტაცია.
მოდული 6. ურთიერთობების მართვა - 4 საათი
როგორ ვმართოთ რთული კომუნიკაცია და მივაღწიოთ შედეგს? ტექნიკები: De-escalation, Nonviolent Communication (NVC), Difficult Conversations Framework, Behavioral Strategy Mapping. პრაქტიკა: რთული დიალოგის სიმულაცია, მოლაპარაკება წნეხის ქვეშ.
- კონფლიქტის ფსიქოლოგია და ემოციური ესკალაცია;
- რთული თანამოსაუბრის ქცევის ანალიზი;
- ასერტიული კომუნიკაცია და პირადი საზღვრები;
- კონფლიქტის დეესკალაცია;
- მოლაპარაკებისა და შეთანხმების მიღწევის ტექნიკები;
- კომუნიკაციის სტრატეგიის შემუშავება;
- ქცევის ანალიზისა და გავლენის ტექნიკების ინტეგრაცია.

მარიამ კვარაცხელია–ზირაქაშვილი – ჰედვაისის დამფუძნებელი და დირექტორი;

საქართველოში პირველი ქცევის შემსწავლელი ნეიროტექნოლოგიური ლაბორატორიის თანადამფუძნებელი – BS ლაბორატორია;
მოწვეული ლექტორი – კავკასიის უნივერსიტეტი;
ასისტენტ პროფესორი – აღმოსავლეთ ევროპის უნივერსიტეტი;
სოციალური ფსიქოლოგიის პრაქტიკის ხელმძღვანელი – საქართველოს ეროვნული უნივერსიტეტი.

მარიამი საერთაშორისო კონსულტანტია ადამიანური კაპიტალის მართვისა და განვითარების სფეროში, ასევე HR გემიფიკაციის მიმართულებით წარმოადგენს ალეას კალიფორნიას ოფიციალურ პარტნიორ – ქოუჩს საქართველოში და კონსულტირებას უწევს ისეთ კომპანიებსა და სტრუქტურებს, როგორებიცაა საქართველოს ბანკი, თიბისი ბანკი, PSP ფარმა, გერმანული ეკონომიკური გაერთიანება, კაპაროლი, მაკდონალდსი, საქართველოს ეკონომიკის სამინისტრო, MSC, CTE, GMP და სხვა.

ტრენინგები:

თანამშრომელთა შერჩევა პროფაილინგით;
გავლენის ფსიქოლოგია;
მოლაპარაკების ფსიქოლოგიური ტექნიკები;
მართვა და პროფაილინგი;
გუნდის მენეჯმენტი;
მაინდფულნესი.

დირექტორი, ტრენერი, კონსულტანტი

ქცევითი ინტელექტი

კურსის შესახებ

რით არის პროგრამა გამორჩეული?

რას მიიღებ კურსის დასრულების შემდეგ?

ვისთვის არის კურსი?

Modal title